Bluebird Coffee (上環) (已結業)

必食大大盒好壮观嘅沙律盒～～～周末陪两个朋友在上环西环这边，帮佢地阿妈买海味。行到攰攰地，顺道过嚟依家喺地铁站附近新开嘅coffee shop食个tea。☕～～～餐厅楼高两层，下层啲枱比较细，感觉文青少少，系典型coffee shop感觉，上层就有好多大枱，灯光暗少少，有少少似酒吧。🍷～～～睇过餐牌同雪柜之后我哋叫咗几样野一齐分享，包括有三色果汁，鸡肉泡菜沙律，朱古力布朗尼，同牛角包，佢哋主要售卖轻食同咖啡为主，不过刚好因为时间有啲夜，我哋唔敢饮咖啡，惊瞓唔着，所以就饮果汁。😛～～～三色果汁包括有橙汁 苹果汁 同西柚汁，三款果汁味道都好天然，饮得出系冇额外加糖。雪得冻冰冰夏天消暑一流，配搭浓郁嘅朱古力布朗尼，令到布朗尼本身嘅香甜感，多咗一份果酸嘅中和，冇咁甜腻。～～～经典牛角包亦非常脆身松化，加热左之后牛油香气更为突出，食完令人感觉元气满满，我同朋友都好钟意。🥐～～～最后，虽然其他嘢都出色，不过我最钟意都系佢哋嘅鸡肉泡菜沙律，首先观感先赢一分，大大盒好壮观，鸡肉份量好多，沙律菜亦好新鲜，再加埋日式甜蛋，半日半韩半西式嘅组合，一次过满足几个愿望，而且因为有泡菜嘅关系，沙律酱都唔使落，几健