影片
更多
2023-11-12
5426 浏览
一年一度又系食大闸蟹嘅时候，星期二晚上7:30餐厅已经坐满人，证明大家都把握机会食大闸蟹😊呢个套餐算系好抵食，适合我哋呢啲咁钟意食蟹🦀️嘅人，份量足，最重要食到不同蟹嘅菜式，大快朵颐😋套餐由Chill E.A.T. 推出，8道菜，$980pp，当中包括一杯酒🍸，已包茶芥，不需再加一，抵👍🏻餐前小食：子姜皮蛋冻豆腐酸甜味先嚟诱发你嘅味蕾😋蟹粉金菇脆卷．至尊蜜汁叉烧脆卷真系好正，外皮脆卜卜，入面馅料系斋菇之类，多到满溢，个人觉得非常欣赏，半肥瘦叉烧当然冇得输😂蟹粉小笼包普通左啲，蟹粉味道唔够浓，同埋上枱时已经冻左啲，不过个醋好掂，好有提鲜效果黑醋珍珠蟹粉蟹肉燕窝羹非常浓郁，好足料，食完已经饱晒😅玫瑰虎虾球用龙虾汁做芡汁，大虎虾肉质鲜甜，赞👍🏻只碟非常靓，好有水墨画feel，虾头都食得架😋能泉生姜利口酒（日本西部高知县士佐市）生姜清酒配大闸蟹，真系非常适合，可以达到驱寒嘅效果😉而杯酒又真系几好味，最重要只有7%酒精，女士都饮得👍🏻清蒸大闸蟹千呼万唤始出来，与上一道菜相隔45分钟，系成晚最败笔之处，不过上到嚟只蟹好热，5両蟹，唔大唔细，超多膏，鲜味😋蟹粉扒时令有机菜苗好多嘅蟹肉配菠菜生炒腊味糯米
呢个套餐算系好抵食，适合我哋呢啲咁钟意食蟹🦀️嘅人，份量足，最重要食到不同蟹嘅菜式，大快朵颐😋
套餐由Chill E.A.T. 推出，8道菜，$980pp，当中包括一杯酒🍸，已包茶芥，不需再加一，抵👍🏻
餐前小食：子姜皮蛋冻豆腐
酸甜味先嚟诱发你嘅味蕾😋
蟹粉金菇脆卷．至尊蜜汁叉烧
脆卷真系好正，外皮脆卜卜，入面馅料系斋菇之类，多到满溢，个人觉得非常欣赏，半肥瘦叉烧当然冇得输😂
蟹粉小笼包
普通左啲，蟹粉味道唔够浓，同埋上枱时已经冻左啲，不过个醋好掂，好有提鲜效果
黑醋珍珠蟹粉蟹肉燕窝羹
非常浓郁，好足料，食完已经饱晒😅
玫瑰虎虾球
用龙虾汁做芡汁，大虎虾肉质鲜甜，赞👍🏻
只碟非常靓，好有水墨画feel，虾头都食得架😋
能泉生姜利口酒（日本西部高知县士佐市）
生姜清酒配大闸蟹，真系非常适合，可以达到驱寒嘅效果😉而杯酒又真系几好味，最重要只有7%酒精，女士都饮得👍🏻
清蒸大闸蟹
千呼万唤始出来，与上一道菜相隔45分钟，系成晚最败笔之处，不过上到嚟只蟹好热，5両蟹，唔大唔细，超多膏，鲜味😋
蟹粉扒时令有机菜苗
好多嘅蟹肉配菠菜
生炒腊味糯米饭
味道都系中规中矩嘅
桂花姜茶紫薯水晶汤丸
个姜汤底就好正，不过汤圆就有啲厚皮靭咗啲
张贴
