滄浪亭

营业中

休息中

香港好难揾好食上海菜，朋友就推介呢间俾我。中午时段去所以人特别多，餐厅环境非常狭窄，而且如果系两个人食嘅多数都要同人搭枱。我哋就系两个人去，之后就有两个陌生人同我哋搭枱，唔系打对错 系要坐四边，所以真系有啲尴尬。🍜嫩鸡煨面 $57汤面份量非常大，而且好足料有食唔完嘅菜同肉，入边啲鸡粒一啲都唔韧，而且菜唔会煮到腍晒仲系爽口。重点系个汤真系好出色，食到停唔到口。同其他餐厅一般嫩鸡煨面味道唔同，个汤系奶白色，有奶香味同鸡汤味好浓郁，好似系落咗啲炼奶所以好creamy。🍖糖醋排骨 $52排骨份量好多，而且炸得好酥脆，但系又唔会好油腻。糖醋汁酸酸甜甜配搭埋一齐唔会觉得太漏。唯一就系骨头比例太多，不过整体都好好食。🐔鸡丝粉皮 $40本身对呢个鸡丝粉皮冇咩太大expectation，因为间间食过味道都差唔多。但系食完之后真系出乎意料，个芝麻酱非常出色，花生酱味超香浓，而且酱都比得好足，唯一系啲鸡丝有啲干。餐厅环境逼夹，唔好预咗坐得好舒服咁食，不过整体味道真系好唔错，会宁愿坐逼少少都想食到佢个嫩鸡煨面。有机会下次试吓其他小食同面。