Chill Vietnam Cuisine and Bar

营业中

休息中

荔枝角真係幾多好多好野食，喺D2 Place食咗一間越南菜，叫做Chill Vietnam，特別推介佢地嘅家鄉燒豬腩肉伴檬，勁好食。蒜蓉牛油雞翼 $58蒜蓉牛油雞翼炸得超級香脆，極多嘅炸蒜，一啖雞翼一啖炸蒜超邪惡勁惹味。香煎鵝肝青蘋果米紙卷 $108鵝肝煎得勁香，啖啖油香而且口感順滑，再加埋青蘋果米紙卷解膩得黎又好清新，非常之夾。黑糖椰青燒豚肉串 $98三串勁大吋嘅豚肉串好有炭燒嘅香味，同時有保留到肉汁，另外黑糖椰青非常之特別，入口甘甜軟糯。家鄉燒豬腩肉伴檬 $78呢度菜真係世界級，家鄉燒豬腩肉個炭燒味勁香，豬腩肉角汁都充滿呢一個香味，而且鹹鹹酸酸咁，將檬粉撈落去呢個汁極之正，好食過平時嘅撈檬10倍以上，必食推介。越式芋圓椰汁凍 $68呢個椰汁凍上面有士多啤梨芒果芋圓西米同埋脆脆，椰汁凍嘅份量超級多，滿滿嘅椰香味，而最底亦都有紅豆夾埋一齊食好香。