樂天皇朝 (青衣城1)

营业中

休息中

今日同老公去咗青衣城，去咗乐天皇朝食lunch ,因为我好想食小笼包，同埋佢哋嘅餐牌都有好多选择，也有无肉餐单啱食素嘅老公。我哋叫咗呢啲：💛招牌原味小笼包💛皇朝担担拉面🍜💛上海妈妈烤麸💛竹炭流沙包甜点：💜宫廷驴打滚💜香煎豆沙窝饼佢哋嘅小笼包真系必叫，每个都皮薄多汁，夹起上嚟又唔会穿，好食到我可以一个人食晒成笼都得😂老公就特别钟意个担担面，麻酱花生酱味浓郁又带点少辣，越食越滋味。仲有个甜品驴打滚都系我地好钟意，好似糯米糍质地嘅皮有好多豆沙馅卷成，跟住外面就有啲好似黄豆粉包住。其他食物都唔错，其实仲有好多嘢食都想试但系两个人肚皮有限，唯有等下次有机会再试吓其他。