聚燒遙

营业中

休息中

聚烧遥深水埗褔华街120号地舖今日约左朋友去深水埗买电脑零件，行到好肚饿，决定去食好西，经过见到呢间食串烧，系门口已经闻到好香既烧烤味，忍唔住即刻冲入去食。餐厅环境唔算特别大，但胜在坐得几舒服，而且即叫即烧，上菜速度都唔算慢，全都都系热辣辣架，由于我地实在叫左太多野食，所以唔逐样介绍，其中有几款食物我都觉得可以encore！烧牛舌超级厚切，而且个调味好惹味，食到停唔到口烧五花腩/烧猪颈肉劲爽口弹牙，脂肪分布平均，完全无好油腻既感觉，而且全部啖啖肉。烧鸡扒份量几大，而且系蜜汁烧鸡扒，食落甜甜地，D鸡皮亦都烧到好香脆。烧明太子鸡翼啖落好香明太子味，鸡翼涨卜卜，口感非常丰富。烧翠肉瓜有5-6旧，食落好爽脆好好味啊牛油芝士焗杂菌面头有超级海量既热熔芝士，基本上每一啖杂菌都有浓浓既芝士包住，好有诚意啊！整体黎讲呢间餐厅一定会ENCORE，因为超级近地铁站，食完饭之后过条马路就已经可以搭地铁返屋企，而且所有食物价钱都非常亲民，服务态度都一流，值得加分。