金竹苑中菜廳 (已結業)

有时食得多西餐日本野，都会想食下啲中菜缓和下！今次试左间好似话系明星饭堂，咪谂住去碰碰运气啰😂。一入去，真系见到好多明星......既相㖞，咁都证明食物质素一定唔差先啦！一行四人叫左好多野食，所以介绍啲比较特别既菜式！首先当然系要介绍避风塘去壳濑尿虾（$118/只），初初见都唔平谂住唔叫既，但「去壳」真系好吸引，所以都豪豪地叫左。食左一啖终于明点解佢咁贵。因为真系好好味！啖啖肉咁食已经好爽，起码唔会介亲手同口，而且呢个处理得好好，濑尿虾沾粉炸左，个粉唔厚之余入面既虾肉仍然可以保持嫩滑，辣辣地又唔油，真系必食。香煎清远鸡（$198/半只），呢个都几特别，因为清远鸡白切就见得多，煎就真系未见过！鸡肉脂肪唔多但都好滑，炸左之后都有好浓既鸡味，呢道菜都几新派同好味。生啫海班头腩（$188），一个好热既窝上枱，再有店员帮你捞，做到「生啫」既效果！腩间好滑，无平时食班个种韧，加埋爆香左既葱同姜，令成个鱼都好香。砵酒美国桶蚝（$188），哗一上枱真系吓死我地，大只到真系半只手掌咁大！炸香再用砵酒整，只蚝仍然好滑好juicy, 蚝迷一定好钟意。我地仲食左咕噜肉、煎肉饼、椒盐鲜鱿等等，份量都好多而且做得