影片
更多
2024-06-22
450 浏览
作为大西北居民，一早已经听过「法国小屋」大名。今日难得系元朗学完舞，就买外卖奖励下自己。小食方面，点咗千层芝士薯片。千层芝士薯片配酸忌廉食唔会腻。一层层薯片切得厚度适中，中间夹著啲芝士，焗得惹味。主菜有唔同pasta，价钱都好实惠。点咗明太子蟹肉意粉同芝士肉酱长尖通粉。意粉本身的质地非常弹牙，煮得岩岩好。酱汁好creamy，而每条意粉都有明太子味。长尖通粉表面呈螺旋状，可以更好地吸酱。肉酱方面疑似用咗牛肉，所以味道比坊间浓，加埋唔同香料，例如蒜、百里香等，为长尖通粉好香口。最最重要系甜品，必食招牌咸牛油焦糖窝夫。攞到返屋企，啲窝夫仲系暖笠笠，窝夫边仍保持脆身，相信如果堂食仲脆。窝夫厚身而内软，有蛋香同咸咸地嘅牛油香，加埋少少焦糖作点缀更口味。窝夫果然Simple is the best。下次黎元朗会堂食encore窝夫!
作为大西北居民，一早已经听过「法国小屋」大名。
今日难得系元朗学完舞，就买外卖奖励下自己。
小食方面，点咗千层芝士薯片。千层芝士薯片配酸忌廉食唔会腻。一层层薯片切得厚度适中，中间夹著啲芝士，焗得惹味。主菜有唔同pasta，价钱都好实惠。
点咗明太子蟹肉意粉同芝士肉酱长尖通粉。意粉本身的质地非常弹牙，煮得岩岩好。
酱汁好creamy，而每条意粉都有明太子味。长尖通粉表面呈螺旋状，可以更好地吸酱。肉酱方面疑似用咗牛肉，所以味道比坊间浓，加埋唔同香料，例如蒜、百里香等，为长尖通粉好香口。
最最重要系甜品，必食招牌咸牛油焦糖窝夫。攞到返屋企，啲窝夫仲系暖笠笠，窝夫边仍保持脆身，相信如果堂食仲脆。窝夫厚身而内软，有蛋香同咸咸地嘅牛油香，加埋少少焦糖作点缀更口味。窝夫果然Simple is the best。下次黎元朗会堂食encore窝夫!
张贴
