餃掂快線

同大家分享个饺子店啊!一入到去已经闻到阵饺子香，铺面亦都宽敞，装修简洁，唔会俾人觉得过于逼夹，坐得几舒服餐牌有10几款饺子可以选择，唔惊揾唔到自己想食嘅味道！另外小食亦都很多元化^_^首先要讲嘅系佢哋嘅皇牌 - 至尊松茸汤饺。一啖咬落去个汤汁即刻爆哂出嚟,入面菇味浓郁，个饺子皮厚薄度都啱啱好！另外汤饺会包一个汤，系无味精嘅粉葛汤嚟~加埋佢哋配上嘅菇菌酱，简直就系Bonus!云耳椰菜猪肉饺同韭菜猪肉饺都系以煎嘅形式，煎得劲脆身，睇图都见到，咬开个猪肉馅好juicy,云耳爽口椰菜甜甜哋,咬落去层次感十足喺呢度最大惊喜就系重庆鲜肉云吞。个皮薄到睇到入面嘅馅,浸喺个麻辣汤度,好食到癫! 入面嘅肉质亦都好实净！加埋芫荽🌿入个汤入面吊一吊个味！满足~最后仲叫咗杯蜂蜜柠檬薏米水,解哂之前啲油腻。薏米熟得啱啱好,柠檬蜂蜜嘅比例调得几好,又清甜又解渴，唔会过甜。呢间餐厅最紧要系价钱平民化,啱哂返工一族放lunch同收工食食。