新記雞粥 (筲箕灣道)

营业中

休息中

食鸡粥一般都会谂起沙田同元朗，元朗呢间鸡粥喺九龙同港岛都有分店，唔使入元朗都食到元朗老字号鸡粥，今次嚟筲箕湾分店试下水准。餐厅格局同一般茶餐厅差不多，虽然唔算阔落但感觉干净企理。餐牌上好多选择，除咗招牌鸡粥，亦有多款生滚粥，另外仲有多款小食、炒粉面同小菜。贵妃鸡粥即叫即制，用砂窝上枱份量都唔少，适合两个人分享。淡黄色嘅粥底吸收晒鸡油，口感绵密浓稠度刚好。贵妃鸡非常嫩滑，就连鸡胸都滑食粥一定要配炸两，肠粉透薄滑溜，油炸鬼微脆。鲜虾云吞虾肉爽口弹牙，每粒云吞都有一整只虾，而且好香大地鱼味。星洲炒米咖喱味浓郁，少少辣好惹味而且超有镬气，唔会太油腻，比好多茶餐厅更出色椒盐海中虾卖相好靓，一上枱就闻到好香椒盐味。虾壳炸到脆卜卜，连壳同虾尾都可以食埋总括嚟讲食物质素好，选择多而且价钱好抵食。下次谂起想食鸡粥都会嚟帮衬。