麻辣風雲 (京都廣場) (已結業)

🉐川菜酸菜鱼专门店🉐分量超多前菜小食🥜🥗一坐低职员就会放低两小碟前菜，今日嘅前菜就系紫菜花生同埋中华沙律。酸菜鱼🐟🍲酸菜鱼可以自选辣度同埋酸度，以唔系食得太辣来讲，小辣就啱啱好，鱼片份量极多，一条鱼骨都冇，绝对唔怕食食吓比鱼骨拮到，另外，入边仲有莴笋、豆卜、薯粉、芽菜等等，非常足料。炸馒头🥖⛵️除咗酸菜鱼，炸馒头亦都系餐厅嘅招牌菜，先唔讲味道，净系讲卖相已经好有惊喜，将炸馒头放喺一架有古代感嘅船上面，旁边仲有啲烟飘出嚟，非常有趣，而馒头炸到金黄色，唔会太干，外脆内软，一路食一路沾炼奶，正！蒜泥白肉🧄🥓肉嘅份量非常多，上面铺满巨量嘅蒜泥，唔算好辣，食得好过瘾。麻辣海蜇🌶️🐙小食以麻辣口味为主，而海蜇都唔例外，辣度就比蒜泥白肉辣得多，份量都系超多，好抵食！食辣嘢又点可以少得嘢饮呢，餐厅有好多款啤酒可以拣🍺，仲有其他特饮🍹，就算点辣都唔惊啦！