影片
更多
2022-07-21
522 浏览
「Green Waffle Diner」喺香港已经登陆多年，我由铜锣湾翡翠明珠店就已经开始食。最近得知佢搬咗中环新舖，就决定揾晚放工试吓😛。中环店位于攞花街同荷里活道交界，大玻璃窗嘅门面好吸睛。呢度环境装修唔错，设有唔少窗边同梳化位，店内亦挂咗盆栽作点缀🪴，而我就最钟意天花板嘅波波灯，好可爱。但如果全场满座的话，就可能有少少迫。餐厅保留咗传统招牌菜式🍽，如镬仔薯粒同窝夫等，佢另外仲有肉扒、全日早餐、意粉饭、汉堡包、三文治、沙律、小食同班戟等。菜式选择繁多，可惜肚皮有限，食唔到几多款。餐厅定价合理，人均消费二百蚊左右已经够晒饱。烧八安士纽西兰草饲肉眼配自家制香蒜薯蓉及蜜糖豆8oz Freshly Roasted Beef (New Zealand Grass Fed Ribeye) with Homemade Garlic Mash Potato and Honey Beans($148)，牛扒系期间限定菜式，每日限量供应。🥩肉眼扒系以英式烤牛肉嘅方式煮理，比较常见于酒店自助餐，估唔到呢度都有得食，价钱仲要唔贵。牛扒足八安士，厚切质感一流，肉身呈粉红色，但就唔算好嫩，不过肉味好浓🐮，并带
「Green Waffle Diner」喺香港已经登陆多年，我由铜锣湾翡翠明珠店就已经开始食。最近得知佢搬咗中环新舖，就决定揾晚放工试吓😛。中环店位于攞花街同荷里活道交界，大玻璃窗嘅门面好吸睛。
呢度环境装修唔错，设有唔少窗边同梳化位，店内亦挂咗盆栽作点缀🪴，而我就最钟意天花板嘅波波灯，好可爱。但如果全场满座的话，就可能有少少迫。
餐厅保留咗传统招牌菜式🍽，如镬仔薯粒同窝夫等，佢另外仲有肉扒、全日早餐、意粉饭、汉堡包、三文治、沙律、小食同班戟等。菜式选择繁多，可惜肚皮有限，食唔到几多款。餐厅定价合理，人均消费二百蚊左右已经够晒饱。
烧八安士纽西兰草饲肉眼
$148
21 浏览
1 赞好
0 留言
烧八安士纽西兰草饲肉眼配自家制香蒜薯蓉及蜜糖豆8oz Freshly Roasted Beef (New Zealand Grass Fed Ribeye) with Homemade Garlic Mash Potato and Honey Beans($148)，牛扒系期间限定菜式，每日限量供应。🥩肉眼扒系以英式烤牛肉嘅方式煮理，比较常见于酒店自助餐，估唔到呢度都有得食，价钱仲要唔贵。牛扒足八安士，厚切质感一流，肉身呈粉红色，但就唔算好嫩，不过肉味好浓🐮，并带少少膻味，几特别！伴旁嘅薯蓉亦都出色，佢落得够多牛油，口感Creamy，并带有蒜香同香草味。
烤卡津鸡肉薯粒镬仔
$93
48 浏览
1 赞好
0 留言
烤卡津鸡肉薯粒镬仔Roasted Cajun Chicken Skillet($93/baby)，虽然牛扒已经配上薯蓉，但都无阻我嗌招牌菜Skillet。🥔薯仔切成粒状，四边均煎至微微脆，中间部份则好软淋。镬仔热辣辣送上，要小心唔好摸到🍳。除咗主角薯粒之外，仲有好多其他食材，非常丰富，包括卡津鸡肉、水波蛋、西芹、青椒、车厘茄同洋葱等。整体几惹味，再配埋拉丝芝士🧀，邪恶到爆，幸得西芹同青椒混入其中，可稍为清新口蕾。
火焰玉桂香蕉窝夫
$93
2 浏览
0 赞好
0 留言
火焰玉桂香蕉窝夫Banana Foster Waffle($93)，窝夫大大份，当正餐食都够。🧇窝夫可选口味，我哋加咗$10转杏仁奶燕麦Almond Milk Buckwheat🌾，食落果然特别重麦香。窝夫口感有啲似香蕉蛋糕，密度偏高，同一般格仔饼唔同。🍌香蕉并非以焦糖调味，而系蘸上肉桂粉，香味突出又带少少甘味。最后仲有一球阿波罗雪糕，有三款口味可选，不过我拣嘅绿茶味就唔算好夹。
斑兰牛奶咖啡
$63
2 浏览
0 赞好
0 留言
题外话，中环分店亦系一间咖啡专门店☕️，佢门口位置设有一个Coffee Corner。喺附近返工，就算唔坐低食饭，都可以嚟买杯嘢饮。再者，嗌套餐原来可以免费添饮咖啡，啱饮嘅都几抵！
总括嚟讲，💚Green Waffle Diner多年嚟能够保持高水准，食材新鲜兼且主张自家制作👍。如果我无记错嘅话，镬仔薯粒以前得一个份量，但而家有得拣，反而仲好！另一边厢，餐厅好贴心、关注唔同人士嘅需要，特别提供低卡路里餐单以及生酮菜式，就例如班戟都有无面粉版本😊。
张贴
