Big John (已結業)

平日普遍在尖沙咀上班通常午饭都系带饭或嗌外卖，比较钟意食嘅外卖其中一间就系big John ！今日放工经过乐道终于见到big John 嘅真身!座位数目唔系太多大约有10个左右。虽然佢唔系有好华丽嘅装修...但我重视嘅系食物嘅质素多过食装修的店舖一坐低唔使谂就叫咗一个姜葱炸鲮鱼球捞丁套餐而我同事就叫咗一个薄牛扒捞丁大约等了5分钟好快就上枱喇....首先讲讲个炸鲮鱼球！很大粒而且热辣辣好香脆唔会有太多面粉嘅感觉！感觉十分真材实料！姜葱捞丁面又唔会过淋啱啱好！我怀疑是用姜水煮面的所以有阵阵姜味！唔会太咸啱啱好薄牛扒捞丁-牛扒唔会太老，不错！另外附上一份黑椒汁，同事大赞黑椒汁用来捞面都是一流的配搭！套餐我们选择了格仔饼和卤水拼盘卤水拼盘-每样都有两三粒份量唔算少而且每样食材都很入味，尤其是豆卜另外格仔饼系食完所有嘢，佢俾个牌仔我才即叫即整！确保新鲜热辣！是比较厚身的一款！上面有厚厚的花生酱和牛奶！香脆可口！正呀加上一人一杯冻饮！今餐晚餐系尖沙咀来讲60几蚊简直冇得挑剔！