六小館 (已結業)

去完主題樂園，通常都會係東涌食埋晚飯，戲院個邊有好多餐廳，沿住扶手電梯不停尋找美食，離遠見到有間叫 "六小館"，門面裝修好特別，依間係新派粵式fusion菜。入到去感覺裝潢雅緻，設計特色時尚，地方寬闊，枱與枱之間覺得唔擠迫，環境舒適，可遠觀戶外景色，令人輕鬆寫意！餐廳門口放咗餐牌，中菜選擇價目清晰，一目了然！晚市款式都好特別，除咗有粵菜之外，亦有四川水煮系列、湖南干窩系列等等，仲有好多選擇呀！冷泡冰梅鮮淮山    $78用上新鮮淮山製成涼菜，擺盤精緻。切成薄片嘅淮山，吸收咗話梅汁既酸香精華，入口清爽鮮香，又爽又脆，好開胃嘅前菜。古法清湯本地新鮮牛雜    $198這個是招牌牛雜菜式，餐廳每日用上本地新鮮牛腩、牛筋、牛肚，湯加入左唐芹同白蘿蔔，飲起嚟清香鮮甜。帶筋嘅牛腩香滑得嚟有啲咬口，牛肚軟身煙韌，而牛筋口感軟綿綿，蘿蔔清甜爽口。瑤柱蛋白菜粒炒飯    $138先會把炸到脆脆嘅瑤柱拌勻，炒飯粒粒分明，每一啖食落去都滲出瑤柱鮮香，蛋白滑嘟嘟。瑤柱蛋白菜粒炒飯簡單又矜貴，超好吃。