千歲擔擔麪

营业中

休息中

观塘裕民坊全新商场Yue Man Square ，场内有多间餐厅和各式商店，今晚同老公过嚟行下，3楼平台花园有多间餐厅，今晚拣咗食上海菜，千岁担担面是咏藜园开设的全新品牌食店，装修时尚,座位宽敞。改良担担面：改良版本就是多咗猪肉碎。汤底非常浓郁，花生味浓郁，味道好有层次！面条幼身爽口重好挂汁，非常惹味。酸辣面：呢个比较普通，只有酸辣味的汤底和面，没有配料，加有花生酱令汤底浓郁啲。上海粗炒：粗面炒得有镬气，口感烟韧，椰菜炒至软身，猪肉丝软腍， 整体香味俱全。配上辣豆瓣酱十分美味。生煎包：生煎包一口咬落去有鲜甜汤汁同埋口感嫩滑嘅肉馅，再加上生煎包嘅底部煎得金黄香脆，并加了芝麻，更香口，食到多重口感。一口锅贴：皮薄馅靓，细细粒一啖一只，香口有鲜味。