德發粥品專家

营业中

休息中

星期日晚喺荃湾揾食，难过登天，间间都大排长龙，于是把心一横，走咗去食粥。德发系通宵营业嘅传统粥店，虽然装修老旧，但估唔到都几注重卫生，温度计搓手液一应俱全。一坐低，见到枱枱都有碟炸两，就知系必食正品，再睇餐牌，一碟只卖十蚊😮，抵到冇朋友，即叫，另外再加碗艇仔粥。炸两上枱，酱汁芝麻自己加，一啖入口，入面嘅油炸鬼热辣辣脆卜卜，好新鲜，外面嘅肠粉虽然唔算好滑，但够薄，配埋酱汁芝麻一齐食，非常滋味😋。至于碗艇仔粥，粥底够绵，配料丰富（碎牛，土鱿，猪皮，花生等），大大碗只卖十六蚊，又系抵到冇朋友😂。一路食，耳边一路传嚟阿姐喺砧板上面斩炸两嘅声音，一路冇停过，可想而知，炸两有几咁受欢迎，唔怪之得咁新鲜咁好食啦😁。