台風。R

营业中

休息中

呢日12：30去食，其实佢只系开铺左半个钟，但系入面已经坐满人。今次叫左个墨汁黑松露拉面。碗面一到已经闻到好浓嘅黑松露味，饮完啲汤，会试到佢有少少嘅墨汁味。面嘅份量偏多，细食嘅朋友仔记住圈偏少嘅面。配料有叉烧、半熟蛋、甘荀、紫菜。半熟蛋煮得恰好，熟得黎又流心，仲有啲甜豉油味。叉烧望落好生，但系根据店内描述，叉烧经过60度煮2个半钟，所以符合安全要求。可以唔洗加饮品，因为店内提供柠檬水，个人认为饮柠檬水已经好足够。餐厅放置左好多动漫模型，环境干净，员工友善，会主动帮顾客开门。走嘅时候1点左右，店外已经要排队。