拍板風味 (已結業)

今晚我们去咗何文田胜利道嘅「拍板风味」食晚饭！我们叫咗啫啫鱼鳔煲嘅鱼鳔非常爽脆嫩滑，酱汁嘅味道相当惹味，而且唔会有腥嘅味道！姜葱鱼云煲嘅鱼云炸得好香脆，肉质好鲜甜嫩滑！凉瓜炆斑腩开头以为系平日食开嘅斑腩，睇真啲原来系鲩鱼腩嚟，肉质非常鲜甜弹牙！椒盐田鸡外层嘅炸粉超香脆薄身，田鸡嘅肉质极之鲜甜同结实弹牙，加埋椒盐同辣椒嘅香味，令到味道更加惹味香口，唔会有好油腻嘅感觉，而且份量十足，系本人嘅必食推介！