明廚

营业中

休息中

今日出旺角揾朋友，朋友带我去食好西，虽然地方细但都坐得舒适，灯光又明亮。火焰A级奄仔蟹，奄仔蟹来自菲律宾出面买唔到，制作需时需要耐少少。奄仔蟹超多膏一见都流口水，店员淋上玫瑰酒之后再点火，提升蟹的鲜味，蟹肉好结实，蟹膏好香浓，蟹好大只，好新鲜又鲜甜。油浸野生笋壳鱼，笋壳鱼原条炸炸到好香脆，再淋上葱花，配上自家酱油更加突显笋壳鱼的鲜味，鱼外层好松脆，鱼肉厚嫩滑又鲜甜，店员好细心帮我地切一块块方便食，切落去果下卜卜脆又香喷喷。黄金鱿鱼，外层粉唔会太厚，加上用咸蛋黄炒好香好好味，鱿鱼又爽口又新鲜。牛肉通菜，通菜炒到刚刚好，牛肉嫩滑牛味香浓，又够味道。前菜花生好香又松脆。