蘇哥清湯腩

营业中

休息中

启德零售馆新开，我哋就去咗行街，原来呢度附近都有几多嘢睇，行到肚饿我哋就拣咗呢间清汤腩食呢度新装修，环境相当干净企理，仲坐得好舒服❤️话明系清汤腩，呢度就梗系有各色嘅牛腩啦，崩沙腩、爽腩、坑腩都有得拣，价钱都系60蚊左右，除此以外，饭都有嘅😋我同朋友就拣咗两款清汤腩：崩沙腩河同牛三宝河，一上枱就见到好吸引，大大碗，个汤底真系相当清甜，我仲忍唔住饮晒添🥰崩沙腩超级靓，矜贵美食，佢系牛嘅横膈膜，肥瘦刚刚好，口感软腍腍又香甜，如果有嘅话，记得叫呀😍牛三宝河有齐牛腩、牛筋同牛肚，份量多， 10分足料，牛筋大份又爽脆，牛腩啖啖肉仲黐住少少肥膏，好好食❤️