麗香園冰室 (興華廣場)

营业中

休息中

今日放工去左接朋友放工，之后一齐食饭，见呢到有好多人，就入左去。我叫左个铁板杂扒配薯菜蒜蓉汁，有哂牛扒鸡扒猪扒肠仔及烟肉，真系好好丰富。杂扒好大份，大份到连铁板都唔够装，要叠起放。而扒亦整得好好，特别系猪扒，腌得好腍但质感又保持到结实，好味。蒜蓉汁虽然唔系好浓味，但食得出系真材实料，蒜蓉味道都好出。 呢个老火汤味道唔算好浓，但好香，而且饮得出真系唔系味精水，以餐汤黎讲绝对系极高质。 见到有人食海南鸡饭，搞到我地都想食，所以叫左个淡淡无骨海南鸡配油饭，呢个无骨海南鸡，可以大大啖咁食好正，但最正既系海南鸡煮得好滑。一般既海南鸡已经算滑，但呢度既比一般既更加滑，特别系鸡皮，食落直头好似食紧啫喱咁，加埋酱汁既香浓同油饭既油香，食多几碗都仲得。 西多士真系茶餐厅必食，炸到香脆既外皮加埋入面软熟既面包，再配埋香浓既花生酱同炼奶，简直系绝配。 呢个芒果爆珠配泡茶概念好得意，泡茶既甘味同芒果爆珠既酸甜又意外地夹，加埋少少既桂花味，又清香又刺激。不过有个小tips，就系最好过一阵先开始饮，因为要等茶包既茶味出左先，如果唔系味道会比较淡。呢个设计好细心，咁大家就可以揾到需要嘅嘢！