Y Show Tasty (已結業)

55度慢煮南美风羊西冷配可可宝云酥第一次食呢款菜式，原来系用面包糠、酱料同香草舖上羊架再焗，切开羊脂同羊肉分布分明，入口甜甜辣辣，又有脆脆一粒粒既面包糠，口感丰富。羊肉肉质软嫩，好易切，本身55度就大概系5成熟，但我地希望7成左右餐厅都话可以。伴底有烧茄子，都好好味，有油香软腍腍，加埋羊一齐食又有另一番滋味。追加$68蒜片辣椒白酒煮意粉，值得加，因为真系好味，唔会太干身，有蒜味又香辣，好惹味。咁样就配出1个羊肉意粉!火焰雪山我又系第一次食火焰雪山，大部分黎既人都有点呢款甜品。店员会拎住点著火嘅酒，淋上雪山等佢慢慢燃烧，佢烧既程度系岩岩好微焦，好似BBQ左既绵花糖咁，呢个就系微焦既蛋白。松厚嘅蛋白原来仲包住朱古力蛋糕同云呢拿雪糕，仲有士多啤梨同蓝莓既鲜果配搭中和甜味。完全做到个只冰火既口感，一班朋友黎最岩食呢个甜品，又岩晒打卡。精选特色蛋糕，当日系蓝莓芝士蛋糕，呢款cake一D都唔漏，好香浓芝士味，蓝莓酱又岩岩好清甜，非常不错。