大澳炭燒小食

营业中

休息中

之前係大澳食過推車仔阿伯既燒瀨尿蝦乾之後，食過翻尋味，不過今日阿伯無開，咁橋又見到呢間燒烤美食就決定試一試。店鋪有好多海味可以選擇，有魷魚，黃花魚春，仲有魔鬼魚（有啲想試）！不過最後都係揀左瀨尿蝦乾，一黎市區真係少見，通常食白灼瀨尿蝦，二黎因為即叫即燒既關係，都要俾啲耐性去等，而瀨尿蝦乾細細隻燒得較快，好快就有得食！燒出黎真係蝦香同炭火香撲鼻，即使加左燒汁但都好乾身，細細條可以一啖放入口中，然後瀨尿蝦既鹹香味就係口中爆發，真係好好食！如果用黎送啤酒汽水就真係一流享受。不過就建議趁熱食，因為凍左會較韌。