李家 (海壩街)

营业中

休息中

呢间成日都有叫外卖，原来荃湾都有间有得堂食，唔使谂，现场食即叫即整，新鲜热辣辣。半半炸鸡三心二意嘅我紧系要半半炸鸡啦，因为有齐原味同甜辣味，份量都几多，外皮炸得好香脆，原味都几好食，够晒味，可以食到鸡嘅味道，而甜辣个酱都好出色，甜甜辣辣够晒惹味，虽然有酱汁，但都唔会整淋晒炸鸡外皮，正。韩式辣猪手上枱系用铁板，咋咋声，猪手好有骨胶原，食落烟烟韧韧，个味道辣辣地，好惹味。辛辣面煮得啱啱好，面质好烟韧，唔会太淋，入面仲有只煎蛋，呢个配埋泡菜一齐食，够晒风味。