烤魚工房 (登打士廣場)

营业中

休息中

预先喺网上面攞咗飞，8点去到要等14张飞，等等下有个姐姐问我哋食唔食雪糕，话系送嘅，有得拣原味/朱古力，我就拣咗原味，个雪糕牛奶味都算浓👍🏻。最后我哋等咗差唔多30分钟先入到去。汤底我地拣左小麻小辣。清江鱼好滑，都唔算多骨，唔错。仲有佢好大份，我地得2个人食👩‍👧，一开头以为会食唔晒，点知食到最后开始饱都好想继续食落去🤣，真系名不虚传，会越食越上瘾😍！烤鱼可以拣配菜，配菜每份$20。我哋净系嗌咗一份金针菇。份量中规中矩，冇乜特别，但等佢索晒啲汤再食好正😋。入边有花甲，粉丝同埋少少金菇。我地拣bb辣但我都觉得辣🥵，同埋我比啲辣油呛到几次🫣，食到辣先好嗌呢个。娃娃菜有两串，一边落左孜然粉，另一边系辣油，唔错，几好食😋。呢杯水果茶我见差唔多枱枱都有嗌。酸酸甜甜咁，可以解渴之余仲可以解辣。同埋佢都算好大杯，我由开始食饮到食晒都未饮完，饮到最后仲可以食埋啲生果，抵嗌啊🥳！呢间一定会再encore！！啱啱先食完已经又挂住个汤底🤣。唯独不足系等位比较耐，要早啲攞飞😢。