影片
更多
2021-06-10
159 浏览
今日庆祝朋友新居入伙，专登同老公揸车入嚟日出康城拜访拜访， 第一次入嚟呢度真系好多新楼，虽然地方较偏僻但系唔愁食嘅问题，因为呢度有个几好行嘅商场里面仲有好多美食今晚想食啲地方菜，朋友就推荐依间「京沪佳肴」云吞鸭肉汤 & 花胶黄鱼羹本来我自己叫咗个鸭肉汤，但系见老公既羹都好吸引，所以饮咗啖超鲜甜嘅鱼肉味，加上有好多菜又有花胶，养颜又健康，当然个鸭肉汤都唔输蚀，鸭嘅香味系个汤度都饮到出嚟，两个汤都好高质京沪担担面呢款系我最钟意食嘅面类菜式，每次见到都一定要order， 依间嘅担担面 面质好烟韧，汤底比起辣，麻嘅感觉会更加重，但系酸 麻 辣三款味都配合得啱啱好小笼包六件 个小笼包不得了，斋睇相都知道里面汤汁多到就快喷出嚟，汤汁鲜甜 肉质嫩口 皮薄馅靓，虽然块皮薄，但系食咗咁多粒都冇一粒夹起就烂赞杨枝沙律虾球呢个比起一道主菜更加似开胃沙律菜，主角虾球超大件，共五件，炸好既虾球再加上酸酸甜甜嘅酱汁，十分开胃，虾肉新鲜爽甜，旁边仲有好多沙律菜 蓝莓 士多啤梨 柚子 卖相已经好吸引，味道更上一层楼京沪酥香烤鸭(半例)之后就到呢间餐厅嘅招牌菜，喺餐厅门口入去就已经可以望到一个又大又干净嘅厨房，喺水吧前
云吞鸭肉汤 & 花胶黄鱼羹
本来我自己叫咗个鸭肉汤，但系见老公既羹都好吸引，所以饮咗啖超鲜甜嘅鱼肉味，加上有好多菜又有花胶，养颜又健康，当然个鸭肉汤都唔输蚀，鸭嘅香味系个汤度都饮到出嚟，两个汤都好高质
京沪担担面
呢款系我最钟意食嘅面类菜式，每次见到都一定要order， 依间嘅担担面 面质好烟韧，汤底比起辣，麻嘅感觉会更加重，但系酸 麻 辣三款味都配合得啱啱好
小笼包六件
个小笼包不得了，斋睇相都知道里面汤汁多到就快喷出嚟，汤汁鲜甜 肉质嫩口 皮薄馅靓，虽然块皮薄，但系食咗咁多粒都冇一粒夹起就烂赞
杨枝沙律虾球
呢个比起一道主菜更加似开胃沙律菜，主角虾球超大件，共五件，炸好既虾球再加上酸酸甜甜嘅酱汁，十分开胃，虾肉新鲜爽甜，旁边仲有好多沙律菜 蓝莓 士多啤梨 柚子 卖相已经好吸引，味道更上一层楼
京沪酥香烤鸭(半例)
之后就到呢间餐厅嘅招牌菜，喺餐厅门口入去就已经可以望到一个又大又干净嘅厨房，喺水吧前面有几个大烤柜 里面挂住一只只嘅鸭，啲烤鸭系喺依度整，新鲜热辣出炉，所以至可以令到质素咁好
烤鸭固然系主角，但系用黎包住佢嘅薄皮 亦都唔可以睇小， 出面食嘅多数既薄皮同皮中间好容易黐埋咗一齐， 食起上嚟有啲狼狈，但系呢度嘅薄皮会一层皮一层牛油纸分开，省却咗食客遇到既麻烦
烤鸭超香唔会肥，加上酱汁青瓜等配料 连埋薄皮包住一齐食，食完之后个口会留有肉汁既香味，我谂呢个就系佢可以成为招牌菜既秘诀，将所有材料分开食 唔会有咁嘅香味，但系将所有材料夹埋一齐，食完之后个口个阵香味，会令你忍唔住再食多几旧，但都唔会觉得腻
呢一餐真系超满足，好耐冇食过咁高质嘅地方菜，而且座位 环境 装修都令到食客好舒服，下次再encore试下其他菜式
张贴
