饕鍋物 (已結業)

除咗马鞍山，好多人都话将军澳系第二个美食沙漠，真的吗？我哋好少去将军澳，不过，有朋友报料，话呢间食台湾嘢嘅饕锅物相当唔错，咁我哋一于去试试啦！香辣牛肉面每次同M佬食台湾嘢，牛肉面基本上系必点项目！呢度嘅牛肉面汤底够晒香浓，面都未食，已经俾我哋饮咗半碗汤，好彩唔系味精味唔强，饮咗咁多都唔觉得口喝。至于超厚身嘅牛肉炆得好腍好入味，口感十足；而面条好烟韧弹牙；伴菜有红萝卜同白萝卜，好清甜。酥炸大鸡扒肉燥饭次次去台湾旅行，食尽餐厅夜市，但好似好少食肉燥饭，反而喺香港食台湾嘢，好多时都会点肉燥饭。呢度嘅肉燥饭唔会太多肥猪肉，肉汁好开胃，捞饭一流。至于鸡扒炸到好香脆，唔会太油太腻，不过，鸡扒就唔算好大块。Shake Shake盐酥鸡同炸鸡扒基本上系friend嘅盐酥鸡，一样炸到好松脆，肉汁丰富！记住点埋酸甜酱，好好味架。酥炸花枝丸又系炸嘢，好彩唔算太热气！一啖一啦嘅花枝丸，外脆内软，入面仲有好多花枝粒，值得一试。麻辣猪耳爽口嘅猪耳，辣辣哋够晒惹味，麻同辣嘅比例啱啱好，唔会抢晒啲味。珍珠奶茶唔系死甜嘅珍珠奶茶，奶茶又滑又浓，珍珠好有咬口！华丽的冒险升级版嘅珍珠奶茶就系华丽的冒险，用上乌龙茶、蓝珍珠同