牛壹台食 (已結業)

正港台湾牛肉面专门店-牛壹台食朋友话好耐冇去过旅行,想食台湾野. 于是我地就试下呢间位于湾仔既正宗台式牛肉面专门店-牛壹台食招牌红烧牛腱心牛肉面 - 牛壹台食既招牌菜式. 汤底系浓郁既红烧牛肉汤底,配上厚切牛腱肉,肉质软嫰炆得很入味! 再加上青江菜味道上几平均唔会太油腻.👌台式卤肉拌饭 - 讲起台湾菜当然唔少得传统正港既卤肉饭啦! 牛壹台食既卤肉拌饭保持传统味道,除咗有卤肉外,仲有卤水蛋,酸菜同咸菜. 令人怀念地道既台湾美食!至于小食当然唔少得系台湾夜市食既美味 - 金梅地瓜条! 香甜酥脆既炸地瓜条配上少许酸甜既话梅粉,简直系醍醐灌顶! 其实我觉得话梅粉先系地瓜条既精华所在😝台式小食当然唔少得台式饮品啦! 我地试咗传统饮品 - 冬瓜鲜奶茶同鲜橙绿茶. 其实系香港都有唔少台式饮品店,冲既味道都几正宗. 我觉得更难得既系牛壹台食主要系做台式菜,但冲既台式茶饮都颇为正宗!算令人喜出望外~原来仲有间新分店将会喺九龙湾开幕，迟啲都真系要去下！❤️