樂園魚旦專家 (利東街市)

营业中

休息中

喺利东邨地铁站一出，就喺利东街市附近地舖，有一间好正嘅<乐园鱼旦专家>，主打粉面。正在咩野？就系抵食夹大件！个人比较推荐牛腩捞面，几十蚊，大大碗，牛腩同面嘅份量都好够，真心抵食。<牛腩云吞捞幼面>牛腩件件都又大块又多肉，咬落去冇筋之余，仲要好够腍身，带有少少脂肪，肥瘦度相当均匀，牛肉味道浓郁，质素确系吾错。近睇直头系靓牛腩嘅质素，而云吞亦都好大只。<牛三宝捞粗面>牛三宝有牛腩、牛肚、同埋牛筋，除咗牛腩炆得又靓、又腍、又入味之外，佢哋用嘅牛肚，都系用上最靓嘅金钱肚，同样炆得又腍又入味。牛筋同样煮到好腍好软身，非常好食。无论幼面同粗面嘅面底，分量都好多好足够，而且面质亦都爽滑弹牙。我哋仲可以要求要多d牛腩汁。冻奶茶都好大杯，同埋够冻，味道正常。两个人食咗两大碗面，都系一百蚊多d，非常抵食。餐厅仲有牛腩饭、猪手面等等供应，下次可以再嚟试下呀！！～平日晚上，都吾少客人帮衬。