影片
更多
2021-03-11
103 浏览
今次系李家尖沙咀店搬左嚟山林道之后第一次帮衬，之前喺旧舖同湾仔店食过都好满意，嚟到自然非常期待！点完餐后就会送上腌萝卜同千岛酱生菜丝，腌萝卜清爽开胃又解腻，配炸鸡绝对系perfect match。我地今次拣咗甜辣炸鸡－甜辣酱厚厚一层包裹住每一件炸鸡，作为酱汁控嘅我好钟意，最神奇嘅系酱汁底下嘅炸鸡仍然保持到脆皮，肉质嫩滑之余有肉汁！难怪咁多人钟意食韩式炸鸡，而李家出品嘅的确系香港数一数二嘅好食又大份👍🏻除咗炸鸡外芝士鸡蛋卷都系我每一次食李家必点嘅－蛋卷上唧咗茄汁同芥末作调味同装饰，切开后就会见到啲芝士流出嚟，热辣辣食仲有拉丝效果添～另外仲嗌咗辣度两只辣椒嘅鱼饼汤－汤入面有好几款韩式鱼糕，片状条状或者一粒粒都有，虽然食落味道差唔多但系口感都唔同，除咗鱼糕外仲有芽菜同萝卜片。汤嘅辣味嚟自胡椒同青辣椒粒，几易入口唔算好辣，食完好挂住喺韩国街头食住鱼糕串饮热汤嘅味道呢！李家依然冇令我失望，尖沙咀店比起其他分店味道好似更出色，推介钟意食韩式炸鸡嘅朋友嚟试下呢😋
点完餐后就会送上腌萝卜同千岛酱生菜丝，腌萝卜清爽开胃又解腻，配炸鸡绝对系perfect match。
我地今次拣咗甜辣炸鸡－甜辣酱厚厚一层包裹住每一件炸鸡，作为酱汁控嘅我好钟意，最神奇嘅系酱汁底下嘅炸鸡仍然保持到脆皮，肉质嫩滑之余有肉汁！难怪咁多人钟意食韩式炸鸡，而李家出品嘅的确系香港数一数二嘅好食又大份👍🏻
除咗炸鸡外芝士鸡蛋卷都系我每一次食李家必点嘅－蛋卷上唧咗茄汁同芥末作调味同装饰，切开后就会见到啲芝士流出嚟，热辣辣食仲有拉丝效果添～
另外仲嗌咗辣度两只辣椒嘅鱼饼汤－汤入面有好几款韩式鱼糕，片状条状或者一粒粒都有，虽然食落味道差唔多但系口感都唔同，除咗鱼糕外仲有芽菜同萝卜片。汤嘅辣味嚟自胡椒同青辣椒粒，几易入口唔算好辣，食完好挂住喺韩国街头食住鱼糕串饮热汤嘅味道呢！
李家依然冇令我失望，尖沙咀店比起其他分店味道好似更出色，推介钟意食韩式炸鸡嘅朋友嚟试下呢😋
张贴
