尚海人家 (英皇道) (已結業)

今日好想食上海美食，所以就买外卖回家同家人分享，行紧埋去时，已经见到有人排紧队，见到个个都买生煎包，就知有几吸引首先叫咗份开胃冷盘【鸡丝粉皮 $30】麻酱汁够多，仲有好多鸡丝，加埋啲烟韧嘅粉皮，真系够哂正除咗叫咗份冷盘，上海美食当然要叫番碗【鸡丝酸辣汤 $28】好多配料嘅酸辣汤，仲好多鸡丝，酸酸辣辣仲好大碗，好好饮够哂开胃最后就叫咗份 “高汤上海面套餐”【担担面 + 皇牌生煎包两只 $46】外卖担担面，汤同面系分开放，咁就唔怕啲面腍哂，食嘅时候放番啲面落啲汤到就得，真系够哂方便。香浓花生味汤底，汤底内有花生、虾米、酸菜粒及肉碎，食完个面，连个汤底都饮埋仲有两只热辣辣嘅生煎包，个皮煎到金黄色，配埋香葱、黑白芝麻，香气扑鼻，一口咬落去啲汤汁喷哂出嚟，真系劲juicy，肉味香浓，肉质够嫩滑，食两只真系唔够喉跟餐配埋【+ $6 豆浆】香滑冻豆浆，饮完够哂满足。$115 就食到咁多美食，真系够哂抵食，好味道尚海人家 (英皇道)北角英皇道278-288号英皇柏丽大道地下2号舖