影片
更多
2023-05-01
524 浏览
好耐冇食泰国菜 讲到泰菜就一定要去九龙城试下🇹🇭约左朋友18:30食晚餐 系宋王台站落车行去九龙城十分钟都唔洗 一上番地面就见到好多间泰国餐厅 本身都冇谂定食边间 一出去行过马路就见到呢间隆姐泰国美食馆坐满人 行多几间发现最多人食 所以我地都决定坐入去试下😉因为太多人帮衬既关系 枱同枱之间系有啲逼 同真系有啲嘈 我同朋友系全程都听到隔离枱倾计 由入去到食完 成间餐厅都系坐满晒人 生意真系好好亦都因为呢个关系 虽然泰国姐姐态度好好 但真系忙到不得了 除左落单外系无咩服务 朋友想叫多支饮品都系自己出去揾姐姐 因为举手冇人应😂🙋🏻♀️❤️🔥《生虾刺身 💸$88》生虾超级新鲜 肉质爽口 配埋个酸辣汁 一流👍🏼❤️🔥《泰式炸虾饼 💸$75/5pcs》5块虾饼切半 炸到热辣辣上枱 香脆得黎又好浓既虾味 系比较硬身少少既虾饼 但我中意食 加埋个甜辣酱绝配❤️🔥《酸辣去骨凤爪沙律 💸$65》酸酸辣辣好开胃 食唔停 凤爪都算好多只 爽口入味 但系沙律菜偏少 而且好碎 似伴碟多过沙律🥗❤️🔥《泰式青咖喱鸡 💸$90 // 薄饼 💸$26/2pcs》青咖喱上枱个阵有个热炉热住 keep番个温度 好香椰香同香
约左朋友18:30食晚餐 系宋王台站落车行去九龙城十分钟都唔洗 一上番地面就见到好多间泰国餐厅
本身都冇谂定食边间 一出去行过马路就见到呢间隆姐泰国美食馆坐满人 行多几间发现最多人食 所以我地都决定坐入去试下😉
因为太多人帮衬既关系 枱同枱之间系有啲逼 同真系有啲嘈 我同朋友系全程都听到隔离枱倾计 由入去到食完 成间餐厅都系坐满晒人 生意真系好好
亦都因为呢个关系 虽然泰国姐姐态度好好 但真系忙到不得了 除左落单外系无咩服务 朋友想叫多支饮品都系自己出去揾姐姐 因为举手冇人应😂🙋🏻♀️
❤️🔥《生虾刺身 💸$88》
生虾超级新鲜 肉质爽口 配埋个酸辣汁 一流👍🏼
生虾刺身
$58
16 浏览
0 赞好
0 留言
❤️🔥《泰式炸虾饼 💸$75/5pcs》
5块虾饼切半 炸到热辣辣上枱 香脆得黎又好浓既虾味 系比较硬身少少既虾饼 但我中意食 加埋个甜辣酱绝配
泰式炸虾饼
$75
28 浏览
0 赞好
0 留言
❤️🔥《酸辣去骨凤爪沙律 💸$65》
酸酸辣辣好开胃 食唔停 凤爪都算好多只 爽口入味 但系沙律菜偏少 而且好碎 似伴碟多过沙律🥗
酸辣去骨凤爪沙律
$65
11 浏览
0 赞好
0 留言
❤️🔥《泰式青咖喱鸡 💸$90 // 薄饼 💸$26/2pcs》
青咖喱上枱个阵有个热炉热住 keep番个温度 好香椰香同香料味 鸡肉份量都算多 仲有茄子 豆 做配菜 咖哩质地比较流身 所以叫左薄饼唔系好痴味 可能叫饭会仲开心
泰式青咖喱鸡
$90
8 浏览
0 赞好
0 留言
薄饼
$29
9 浏览
0 赞好
0 留言
❤️🔥《冬阴公汤河 💸$65》
冬阴公汤比较浓稠 虾非常爽口弹牙 但啲河粉痴埋晒一旧旧 而且好碎 因为都几咸 所以食多两啖愈食愈口渴 唔太出色🙃失望
冬阴公汤河
$65
6 浏览
0 赞好
0 留言
📍隆姐泰国美食馆 (九龙城)
九龙城南角道21-22号地舖
张贴
