龍鳳祥餃子館 (裝修中)

今日去开佐敦，本来想食澳牛，但见到条长长既人龙，就决定行前两步入龙凤祥饺子馆。 餐厅用左中式装修，墙上挂满一个个中式挂式，其实系一道道菜名。嚟饺子馆梗系食饺子啦，其实饺子款式唔算多，得7款，单叫饺子一碟有10只，系冇汤既，可以加钱要面。我就加左$5要双拼饺，可以试多个味嘛！拣左蕃茄蛋饺同京葱羊肉饺。饺子皮好薄，2款饺都好足料！蕃茄蛋入面好干身，唔会有蕃茄d汁搞到水汪汪，d蛋甜甜地，清清地好好食。京葱羊肉饺相对就浓味好多，但可以放心有羊肉得黎又唔会好膻，配埋切碎既京葱好有北方既味道，唔抗拒羊肉既人都绝对应该试下！