巴蜀麻辣米綫 (已搬遷) 新店位置

由于工作既关系, 我呢排要驻守系大角咀. 听 D Friend 讲大角咀有间米线铺叫巴蜀, D野食好好食, 于是揾日lunch去试一试. 去过几次都是座爆,结果都系冇入到去,今日见有位, 当然要入去一试啦.第一次试食就叫左猪润, 炸酱,微辣, D猪润真系好嫩滑, 目前黎讲系我食过最好食既猪润, 呢度既炸酱系甜甜地然后系少少麻果种辣...完全系四川/重庆果种麻辣既感觉. 再要多一份麻辣烤鸡翼, 皮脆肉嫩兼夹香口. 呢间巴蜀D米线比其他铺D较幼身同咪弹牙, 几爽口窝, 好岩我口味.基本上而家每个星期都最少去3,4次, 而每一次去食都系保持水准. 至于环境方面, 我觉得坐得舒服过谭仔好多倍lor, 至少起码座位阔落, 张凳又有得挨下, 地方又干净. 我成日帮亲巴蜀，冇理由吾上来openrice赞一赞佢既。