多寶美食

营业中

休息中

好耐冇扫街喇~劲挂住臭豆腐，而家真系买少见少，行过见倒多宝有得食，忍唔住要食返旧先。落左单之后唔洗等好耐。臭豆腐($10) - 自从有小食店俾楼上住户投诉臭豆腐太臭之后，除左臭豆腐买少见少，臭味亦大减。哩度嘅臭豆腐虽然唔系太臭，不过都闻倒臭味嘅，豆腐炸到外脆内软，加埋甜酱食都好正！炸大肠($16/串) - 炸大肠系除左臭豆腐之外另一我最钟意食嘅街头小食，大肠皮炸到脆脆地，中间嘅猪肠好有咬口，加埋芥辣食好惹味。牛柏叶($13)/水鱿鱼($13)/墨鱼($13)/鱼蛋($10)  - 哩几款小食如果外卖，店家都会放埋落同一个兜度，所以会系同一个咖哩汁底，咖哩汁少少辣几惹味。牛柏叶几爽口，唔会太韧。水鱿鱼几爽脆。墨鱼有咬口唔会太韧。鱼蛋几弹口。碗仔翅($22) - 杰度适中，质地唔会太似鼻涕，入面有好多鸡丝，食完都几饱肚，店家仲会问食客要唔要胡椒粉同醋。双拼($25) - 即系碗仔翅拼生菜鱼肉，入面都有几旧鱼肉。可乐($7/罐) - 够冰冻，价钱合理。