龍鳳號 (裝修中)

餐厅位于观塘，装修有特式，主打鲁肉饭。回头率劲高，定期会想再食😋澎湖花枝虾饼 $72一份有4块，每块都好足料，唔系搅到碎哂嘅虾饼，会见到一粒粒虾仁同花枝，口感弹牙。炸得好脆，每次都嗌，推介！点辣椒油食好惹味😋古早味鲁肉饭 $38用左台湾珍珠米，望落好似细细碗，食落份量好够，鲁肉肥瘦适中，调味浓郁甜甜地，鲁肉份量都几多，够捞哂成个饭。黄金香酥排骨 $42都几大块，炸粉够薄，猪扒比较瘦，调味几好。盐酥鸡 ＄42份量都几多，炸粉厚薄适中，鸡肉好juicy, 配生蒜一齐食好惹味。台式古早味冻饮 $28拣左阿里山乌龙茶，系樽装嘅冷泡茶，茶味够浓，个樽又靓，不过份量较少。推介指数：9/10