阿肥火鍋 (已結業)

呢几日天气冻返又想打边炉。今次揾到间以怀旧做主题嘅餐厅，好多人打卡㗎。最紧要个汤底滋补得嚟又好味，当汤饮都正🤤。🥢沙姜鸡脚 $68鸡脚滑溜弹牙，满满骨胶原。沙姜加上少少药膳汤，香得嚟味道有层次。🥢浓鸡汤花胶鸡锅（小） $298鸡汤香浓鲜甜，又唔会太咸太腻。花胶筒颜色偏白，但完整无瘀血，每条都有大约8cm长。口感软滑带胶质，而且完全冇腥味。每锅有半只鸡，肉质仲好嫩滑。🥢济洲黑豚肉片 $128肥瘦均匀相间，肉质嫩滑。一啲猪膻味都冇，反而带有猪肉天然嘅甜味🥢门鳝炸鱼皮（有骨）$56比起平时食到嘅鱼皮更薄身，口感比较松化薄脆，连骨都炸得香脆可口。而且仲一啲油膉味都冇。🥢手打墨鱼丸（细）$52口感唔够弹牙，略为普通。🥢蜂巢豆腐 $28吸晒鲜甜嘅汤汁当然好味，但估唔到本身豆味都颇香浓。🥢油麦菜 $38清甜美味，而且份量颇多。