牛舞日本燒肉‧涮涮鍋放題 (1亞太中心) (已結業)

冬天最钟意食火锅同埋烧肉，今次就去左观塘既【牛舞】、主打烧肉火锅一齐黎、满足晒两个愿望。晚餐有3个set可选择，而临近新年梗系要食好D，所以就叫左最贵既萨摩牛任食套餐。火锅汤底有3款可以选择，冬天梗系食麻辣。一上黎会有一个牛肉拼盘，试晒钟意食先再点。萨摩牛雪花超级靓、入口即化、牛味油脂味well balanced。个人最钟意牛薄切、牛赤肉、牛肋肉同牛肋条。牛薄切脂肪最少，牛味最重。牛赤肉同牛肋肉脂肪比例多，超级软霖。而牛肋条都系脂肪比较少、但又偏霖。有得选择4款调味，个人觉得简单既椒盐最好食同食得出牛肉原本既味道。火锅料除左肉类、其他食材就系比较basic既选择。麻辣汤底基本上唔辣，如果好好辣、可能会有D失望，或者可以试其他汤底。火锅的话美国极上牛板腱个人最推荐、因为基本上都系瘦肉、唔会食到成口油。另外最推系一口小番薯，甜甜咸咸好解腻！宜家只要like 社交平台post仲有烧蚝任食，非常鲜甜！雪糕、甜品都有好多选择，最推荐系日本雪条同糯米糍。