芭堤雅泰國

营业中

休息中

呢日唔太肚饿，所以就同同事求其去咗西九龙Foodcourt觅食，佢拣咗呢间主打泰菜嘅「芭堤雅」，门面比起同场其它几间泰菜无咁醒神🙈。不过佢贯切呢个场嘅风格，都系善用舖面贴满哂餐牌同相片，花多眼乱🌸。唔好睇店舖细细，佢连蒸鱼同炒海鲜都有得食。枱面上放咗块黑板写住”特价晚餐”，但其实其他时段都可以叫🤣。虾头膏蟹子海南鸡炒饭($55)，哗哗哗估唔到呢碟饭咁好食😋。单系睇卖相都已经觉得唔错，因为饭粒够干身，粒粒分明。其实碟饭系我同事嗌，但我忍唔住系咁食...，唔好意思啰🙊。炒饭嘅虾膏味唔算特别出，但蟹籽同海南鸡肉嘅份量就好多，成个组合好正！青柠鸡中翼5件($28)，由于我唔太肚饿(以为自己)，所以叫咗小食算。🐔鸡翼有5只，只只都好大只，但个别入面有少少生。不过鸡翼味道几好㖞，因为青柠味几入味🍋，微酸。炒饭个餐跟纸包饮品，纸包饮品亦系西九个场嘅另一大特色😂，去到你就明。题外话，小店由两个大男生主理，收银厨房一脚踢👍。总括嚟讲，呢餐我哋只系食咗两款食物，但味道均令人满意，特别系个饭，就连唔钟意食饭嘅我都觉得绝对可以翻兜。唔知系咪太好食嘅关系，加上我食唔够，我愈食愈饿，愈想食🤤。