花華和食屋

营业中

休息中

呢间位于屯门嘅拉面店，对于住九龙嘅我嚟讲有啲远，所以有挣扎过要唔要特登过嚟食🙈 但食完之后觉得超值得！！另外，网上话「花华和食屋」同隔离间主打手工意粉嘅JEP（由曾任米芝莲三星餐厅厨师主理）系同一个老细🤔蟹白汤拉面（$108）一上枱已经觉得佢嘅外观好唔错，中间有少少炙烧味噌蟹肉，捞匀之后饮啖汤已经觉得超好饮，系浓郁嘅白汤，完全冇腥味😋两块叉烧肥瘦均匀，烧得好好。唔止个汤，连面质都超级有诚意，就算摆耐咗少少都绝对唔会发胀，完全睇得出佢哋有用心研究！鸡白汤拉面［期间限定］（$108）汤底一样好浓郁，不过呢款就转咗用粗面，啱晒钟意食粗面嘅我！不过啱啱上枱嘅话，有机会硬咗少少，如果唔钟意食硬面嘅人，可能就会觉得麻麻，落单时记得拣「软面」可能会比较啱你啦～✅‼️但呢碗最惊喜嘅竟然系放最面嘅炸西兰花，炸完一啲都唔油，仲要好脆好香口，如果佢可以独立出一个小食就好啦🥺栗子Tiramisu芭菲（$78）最顶系一块脆饼、咖啡雪糕（质地比较似冰多过cream）、一粒栗子、两嚿蕨饼、三粒白玉，面下面就由由粟米脆片+栗子粒忌廉+可可米砌成，最底仲有少少芦荟粒。见佢IG话参考黑白大厨嘅拿坡里黑手党，有少量试验品，就