坐忘 (已搬遷) 新店位置

坐望忘真系区内数一数二有名嘅餐厅。鲗鱼涌𠮶间已经食过好多次，今次嚟到天后呢间见冇人排队，就入去食吓回味吓。我次次叫都系猪软骨野菜咖喱饭，今次同行朋友叫咗黑芝麻牛肋野菜咖喱饭。猪软骨野菜咖喱饭猪软骨非常之软腍入味，咖喱嘅调味恰到好处，而且有好多唔同款嘅菜，对我呢啲钟意食菜嘅朋友，真系觉得成个饭都好balance有肉有菜，唔使额外再叫菜。黑芝麻牛肋野菜咖喱饭有少少普通，虽然肉量好够，但个牛腩唔够腍，有啲咬口。除非真系好想好想食牛，我谂我下次都系会继续叫猪软骨饭