匠心廚房 (已搬遷) 新店位置

正所谓唔食饱边有力气做运动，做gym前行过美孚新邨嘅呢间餐厅，畀佢个招牌吸引到，侧面大大只字写住「匠厨」，而且似乎系新开，同两位朋友谂都唔谂就行咗入去。餐厅门面好简洁，虽然地方唔大，但配上简约嘅装修，俾人感觉几有空间感。幸好我哋嚟嘅时间较早，等咗大概5分钟就可以入座。连menu都非常简洁，虽然只有一张纸，但食物选择都几多，头盘、汤羹、海鲜、小食、粉面饭类，甚至甜品都一应俱全。银耳无花果薏米水非常清甜，两位朋友拣咗冻嘅，而我就拣咗热饮，非常足料，银耳煮到起胶，饮落有少少黏口，感觉非常滋润，呢排秋风起就最啱饮😊肉松豆腐松花蛋系食台湾菜必点嘅凉拌小碟，松花蛋即系皮蛋，伴上鲜味嘅肉松同清新嘅香葱，连埋软滑嘅豆腐一齐放入口，非常清爽开胃！仲加入咗白芝麻同少许辣椒油，令鲜味更加突出😋雾虾蚝仔肉碎泡饭系朋友拣嘅，非常足料，有大量蚝仔、冬瓜粒同菜心粒，仲有虾毛同香葱调味，汤底非常鲜甜，我哋三个一致认为比葵涌广场嘅「一泡而红」更好味，而且份量超级多，三个人分享都绰绰有余🙌🏻蚝仔粒粒饱满，非常鲜甜，钟意食蚝仔嘅朋友千祈唔好错过。鲜茄鱼汤酸辣肥牛同样系大大兜，一个人嚟切勿以身试法，有好嘢一定要同朋友分享🙈汤