鯛魚魚湯專門店 (已結業)

记得呢间野新开张果时朋友就带我黎试过，事后一直唔记得上黎打返食评，但呢间我谂系我食过最抵最真材实料既食店话明鲷鱼汤专门店当然主打系鲷鱼汤，所用既汤都系100%鲷鱼新鲜熬制而成，无加味精，除左有丰富骨胶原外，仲低卡路里，女士可以食放啲都唔怕肥啦餐牌大部分都系汤乌冬同汤饭，当然亦有啲日式小食炸物，但黎到鲷鱼汤专门店梗系试下佢地既皇牌啦。我地嗌左鲍鱼花胶鱼肚鱼汤乌冬（$138）同皇帝蟹脚海胆汤饭（$168）。两者同样鱼鲜味浓郁，清甜得黎又唔会腥，汤底呈奶白色不见底，睇得出花左长时间煮成，但完全无油浮喺面，感觉健康啲食落无咁有罪恶感，系咪有美颜功效就真系唔知啦😂鲍鱼颇大只，几弹牙，连我呢个唔中意食鲍鱼既人都食哂两只🌚鱼肚吸收哂啲汤汁好入味平时好怕花胶浸唔够，会好似咬旧胶咁，但呢度真心唔会，好稔好滑身🤤仲要件件都大大旧好足料！手打乌冬爽口弹牙，食得出同外面既有唔同。食哂乌冬可以饮埋啲汤，唔会好似平时拉面汤底咁咸饮完会口渴。汤饭因为系朋友点既所以无食到，但听佢讲海胆好鲜甜，系新鲜海胆而且份量多。同埋汤饭会比乌冬食落更入味，因为每粒米饭吸收哂啲鱼汤，食落口感绵密得黎又充满鲜味，清淡得黎又开胃呢间野真