天天海南雞飯 (新城市廣場三期)

营业中

休息中

天天海南鸡一直都知系好出名既过江龙专食海南鸡饭既餐厅。今日有时间又想食鸡饭就闻名不如见面去食。入到去蓝白色既装修就好似佢地既招牌既颜色咁，令人好舒服。睇餐牌食咩既时候，我自己本来以为只有海南鸡饭加几碟星马食物。原来系我孤陋寡闻，有好多种特色独有既食物，同埋野饮选择都非常之多。夏日炎炎，叫左杯豆花恐龙美禄。非常大杯，美禄超级好饮加埋豆花透心凉。黎到海南鸡饭专门店，当然要叫海南鸡饭。海南鸡煮得啱啱好。鸡肉雪白，食落好嫩滑。加埋油饭配搭。一个字perfect。另外叫做两道𩠌菜。第一道系迷迭香火焰黑金叉烧，叉烧系完美比例嘅半肥瘦加埋佢哋整嘅酱汁，送饭一流。另一道系黑松露墨鱼虾多士。虾多士就听得多，加埋墨鱼，弹牙既层次加倍。香脆嘅多士再配埋黑松露酱，非常开胃。