first crack coffee by Summer Ice

营业中

休息中

经过中环嘉咸街有一间coffee shop出面画左好多colourful buildings嘅壁画，打卡一流，入到去会闻到阵阵咖啡香味，坐系度同朋友边食边倾系好舒服嘅事。1.Black Tea Apple Crumble Waffle with Ice Cream $80之前食过大围夏雪嘅窝夫已经觉得整得好脆好好味，果然中环呢间都无令人失望。窝夫依然好脆带有种淡淡嘅茶味，暖笠笠嘅窝夫加上冻冰冰嘅云呢拿雪糕好夹，而apple crumble对我黎讲偏甜，但夹埋窝夫就岩岩好！2. Buzzed Tiramisu $80每日限量供应嘅tiramisu系有好大嘅惊喜，层次好分明，手指味嘅酒味好浓，食得出浸左浓而香嘅whiskey，口感好湿润；而芝士忌廉打得好滑顺，加上面头带点涩嘅朱古力粉，每食一啖都有三个层次，味道又唔会太甜，满口酒香，好欣赏呢个花左咁多心机嘅tiramisu！3.Iced Black Coffee $40简简单单嘅咖啡配上冰，口感简单，食左甜品，再饮啖冰咖啡，好match！冰嘅量唔会沟淡咗咖啡嘅香味，反而冰慢慢溶化后嘅浓度更加岩岩好，饮落有种苦涩回甘嘅味道，仲有淡淡嘅酸度。