人和月雞煲火鍋店 (已結業)

天气仲系冻冻地就梗系要打下边炉。今次俾呢度个鸡煲吸引咗嚟呢度食饭。主要流程，系先成头盘，之后先开始打边炉。头盘可以拣麻辣鸡煲、酸菜鱼、卜卜蚬、韩式芝士鸡，亦可以加钱改成酥皮芝士麻辣鸡煲。芝士混入咗麻辣鸡煲令味道更浓，酥皮切开之后可以放入煲入面索晒啲汁再食。食完头盘可以拣返八款其中一款汤底，今次就试吓香茅椰青青柠汤底，劲有东南亚feel。由于食和牛海鲜餐，佢哋先上牛肉拼盘同埋海鲜拼盘，其他可以出去出面冻柜拎，肉就系手机落单。佢哋仲有自家饮品，记得去拎埋。最夸张都系只帆立贝，成块面咁大只，食落仲好甜添。食完就食甜品，有雪糕，有芋圆，仲有DIY棉花糖，超好玩。