魚川居 (已搬遷) 新店位置

观塘地铁站，步行4分钟，就到丰利中心5楼嘅鱼川居。平时食午餐都比较多人，揾好食嘅嘢都唔容易，鱼川居呢度都坐得好舒服，同埋好快就送饭，唔使惊唔够时间食。今日食世一无骨海南鸡饭$60配油饭，有例汤(唔系味精汤)所以送完即止架！冻饮叫左青柠梳打，加12蚊。好大碗油饭，饭干爽，鸡入味，鸡都好大件，佢碟辣汁都好味，我本人就咁食鸡就冇沾汁。另一个系招牌酸菜鱼$62，我选择小辣，配白饭。天气热，食d辣野开胃呀⋯⋯酸菜汤好够味够浓，一dd辣，入面好多酸菜芽菜芫荽同鱼片，鱼片系大块，鱼肉滑，食午餐嘅份量就啱啱好。