川館 (大王東街)

营业中

休息中

今日天气冻返想食啲辣嘢暖下身，刺激下，呢间系湾仔比较隐蔽嘅川菜馆，感觉几唔错，系Bakehouse附近。《老坛酸菜鱼》$238由于我哋两个人所以嗌咗个细分，同埋辣度方面我哋拣咗小辣，呢个酸菜鱼比较近似香港人口味，个人好钟意，够酸，鱼片又滑又爽脆，分量好多，无论系酸菜薯粉同埋其他配料都比好多，如果下次有机会再食一定会大大份，因为啲鱼好食到唔够食🤣《乐山辣子鸡》$138好耐冇食过辣子鸡，呢度嘅辣子鸡炸得啱啱好，唔会好干，食落都仲有肉汁，而且辣度啱啱好，份量亦都好足，少少麻，好过瘾好开胃。《麻辣菇菌牛柳粒》$178川菜馆唔系成日有麻辣牛柳粒食，呢个牛柳粒做得几出色，首先入味，如果送饭真系一流，牛柳粒好林，一啲都唔韧，同菇菌mix埋仲有菇香，好好味。 总括嚟讲试咗几个菜式味道都十分不错，如果经开湾仔呢一头静静地食餐饭呢间都系个唔错嘅选择。