元元酸菜魚

营业中

休息中

上星期去将军澳揾个朋友，朋友话有间酸菜鱼新开张都好多人帮衬，想试试，于是我地早咗去攞筹。入到去，座位都颇宽敞，亦都好干净。店员俾咗个QR code我地自行落单。操作都简单易明嘅。我地叫咗：招牌元元酸菜鱼四季豆红糖糍粑等咗一阵，店员就为我地送上热辣辣嘅酸菜鱼。我地叫咗小辣，汤底好清新，辣度好岩我同朋友。最令我地惊喜嘅系餐厅好足料，啲鱼唔会话食一两旧就冇晒，而且都好滑同冇骨👍🏻👍🏻👍🏻 另外，配菜仲有豆腐卜、芽菜、宽粉。四季豆上菜之后唔记得咗影相😅，同样系热辣辣咁上，味道好惹味，好好捞饭 😋😋之后就到甜品，红糖糍粑。完全可以食得出佢系即叫即整，上枱时热辣辣，外脆内软，入面好烟韧。面头撒咗一层红糖，另外都有一个红糖酱，可以根据个人喜好去点。我同朋友食完都好满足，觉得下次可以试下多啲人黎食可以再试埋其他𩠌（我地见隔离枱食个应该系干锅好似好正咁）。