瑞榮餐室

营业中

休息中

粒粒金砖西多士呢度嘅西多士好特别，出面大部份嘅都系两块面包夹埋，就算，但呢度切到好似砖头咁嘅cubes，煎到六面都又金黄又脆，而且唔会太油腻，里面仲有花生酱添！茶餐仲包埋配菜，我拣咗香茅鸡翼，佢肉质饱满，外脆内嫩，仲有香茅嘅香味，大推！另外仲叫咗份公司三文治，每份都几丰富，有午餐肉，蛋，番茄等等，劲多馅，配埋沙律酱，食落好开胃，而且三文治明明烘过，食落仲系热嘅，大大加分！饮品方面，红豆冰可以选椰汁或者普通，我拣咗椰汁学红豆冰，红豆分量超多，啱哂我，所以几时都话红豆冰配茶餐系最好嘅！总括而言呢度嘅茶餐好有惊喜，特别系份量好大，而且每样都新鲜即制，好食又多选择，会encore！